ఆంధ్రభారతి - తాళ్లపాక అన్నమాచార్య కీర్తనలు - తల మొలా నొక్కసరా తను వొక్కటౌఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 260-3
సంపుటము: 3-345

తాళ్లపాక అన్నమాచార్య

రాగము: నాట

తల మొలా నొక్కసరా తను వొక్కటౌఁ గాక కొలఁది యెరిఁ గతనిఁ గొలువరో మీరు	॥పల్లవి॥
బొడ్డున బ్రహ్మఁ గనిన పురాణపురుషుఁడే దొడ్డుఁ గాక ఆతని తోడివాఁడ(డా?) వొడ్డిన కైలాసమే లేవు మాపతిఁ గడుపులో వెడ్డువెట్టి పెంచేవాఁడు వీరితోవాఁడా	॥తల॥
చక్కని కన్నుల సూర్యచంద్రులుగాఁ గలవాఁడు యెక్కుడుగా కిందరిలో నీడువెట్టేదా అక్కర యీ దేవతల కాపద మానిపేవాఁడు వెక్కసమే కాక యెంచ వీరిలోనే వొకఁడా	॥తల॥
అందరు నీతనియందే అ‌యితే నౌదురుఁ గాక యెందును శ్రీపతి తోడియీడువారా కందువ శ్రీవేంకటాద్రి ఘనవరము లొసఁగె దిందుపడ్డ లోకులకు ద్రిష్టమిదే కాదా	॥తల॥