ఆంధ్రభారతి - తాళ్లపాక అన్నమాచార్య కీర్తనలు - చెప్పఁగా నెఱఁగరా చేరి వేదవ్యాసులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 261-3
సంపుటము: 3-351

తాళ్లపాక అన్నమాచార్య

రాగము: గుజ్జరి

చెప్పఁగా నెఱఁగరా చేరి వేదవ్యాసులు తప్పక చేతులెత్తి దైవ మితఁడన్నది	॥పల్లవి॥
యిరవుగా నెఱఁగరా యెల్ల దేవతలలో పొరిఁ గృష్ణుఁడు అగ్రపూజ గొన్నది తిరమై తెలియరా యీ దేవుని పాదపూజ హరుని శిరసుమీఁద నమరి వుండినది	॥చెప్పఁ॥
యింకా నెఱఁగరా యితని రామమంత్రము తెంకినుండి హరుఁ డుపదేశించేది పొంకమిదెరఁగరా భువిమీఁద శరభము- మంకుదన మెల్లఁ దీర మానిపివేసినది	॥చెప్పఁ॥
చూచియు నెఱఁగరా సొరిది శ్రీవేంకటాద్రి- నేచిన వరములెల్లా నియ్యఁగాను కాచే దెఱఁగరా ఘనుడితఁ డెవ్వరైనా చేచేత శరణంటేఁ జేకొనే బిరుదు	॥చెప్పఁ॥