ఆంధ్రభారతి - తాళ్లపాక అన్నమాచార్య కీర్తనలు - పెఱుగఁగఁ బెఱుగఁగఁ బెద్దలమైతిమి నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 261-4
సంపుటము: 3-352

తాళ్లపాక అన్నమాచార్య

రాగము: వసంతవరాళి

పెఱుగఁగఁ బెఱుగఁగఁ బెద్దలమైతిమి నేము కఱకఱలే కాని కడగంట లేదు	॥పల్లవి॥
హరి నిన్న భుజియించి చాలునన్న యన్నమే అరిది నేఁడప్పటిని నాస రేఁచీని ధరలో రాతిరి గూడి తనిసిన సతులే పరగ నప్పటిని విభ్రాంతి రేఁచీని	॥పెఱు॥
మాయఁ గట్టి విడిచిన మలినపుఁ గోకలు యీయెడ నుదికితేనే యిచ్చ రేఁచీని కాయముపై మోఁచి పెట్టెఁ గట్టివేసిన సొమ్ములు మాయలై దినదినము మమత రేఁచీని	॥పెఱు॥
నీవు వట్టిన చలమో నేము సేసినట్టి తప్పో శ్రీవేంకటేశ్వరుఁడ చిక్కితి మిందు మోవరాని మోపయి ములుగనియ్యదు మమ్ము చేవ సంసారముపైఁ జిమ్మి రేఁచీని	॥పెఱు॥