ఆంధ్రభారతి - తాళ్లపాక అన్నమాచార్య కీర్తనలు - అన్నియుఁ జదివితిఁగా ఆహా నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 261-6
సంపుటము: 3-354

తాళ్లపాక అన్నమాచార్య

రాగము: సామంతం

అన్నియుఁ జదివితిఁగా ఆహా నేను నున్ననిమాటల నోరు నుడిగెడిదేదో	॥పల్లవి॥
వొద్దనుండే నాజన్మమోహో మరచితిఁగా చద్దివంటి మాతల్లిచన్ను మఱచితిఁగా ముద్దుతోఁ బొరలే మలమూత్రము మఱచితిఁగా యెద్దువంటివాఁడ నేను యెఱిఁగేటిదేదో	॥అన్ని॥
యిప్పటిచవి రేపటికెంచి తనియలేఁగా తప్పక కాంతలఁ జూచి తలఁపు దనియలేఁగా ముప్పిరిఁ బెక్కుగాలము ముదిసీఁ దనియలేఁగా పిప్పివంటివాఁడ నేను పెనఁగేటిదేదో	॥అన్ని॥
యేడదో యీదేహమౌత యేనేమి నెఱఁగఁగా కూడిన మనువెక్కడొ గురుతూ నెఱఁగఁగా యీడనే శ్రీవేంకటేశుఁ డిట్టే నన్నుఁ గాచెఁగా నీడవంటివాఁడ నేను నేరుపింకనేదో	॥అన్ని॥