ఆంధ్రభారతి - తాళ్లపాక అన్నమాచార్య కీర్తనలు - మానుప వశమా మాయ లివన్నియు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 262-6
సంపుటము: 3-360

తాళ్లపాక అన్నమాచార్య

రాగము: శంకరాభరణం

మానుప వశమా మాయ లివన్నియు శ్రీనాథుఁడు మును సేసినవే	॥పల్లవి॥
రాతిరి చీఁకటి రతిఁ బగలు వెలుఁగు ఘాతల నెప్పుడు గలదిదియే యీతల జ్ఞానుల కిల నజ్ఞానుల- జాతివైరములు సహజములే	॥మాను॥
అసురలకు సురల కనాది నుండియు అసమున వైరంబది గలదే యెసగి వైష్ణవుల కిలఁ బ్రాకృతులకు పొసఁగని వాదము భువిఁ గలదె	॥మాను॥
యిహమునుఁ బరమును యీలంకెలతో విహితము చెప్పెడి వేదములే అహిపతి శ్రీవేంకటాధిపు మతమిది నిహితం బెఱిఁగిన నిశ్చలమే	॥మాను॥