ఆంధ్రభారతి - తాళ్లపాక అన్నమాచార్య కీర్తనలు - ఎక్కడనున్నాఁ బోదు యేతులైనఁ బోనీదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 263-1
సంపుటము: 3-361

తాళ్లపాక అన్నమాచార్య

రాగము: సామంతం

ఎక్కడనున్నాఁ బోదు యేతులైనఁ బోనీదు వొక్కటి కొక్క బంధము వూహింప నెక్కుడు	॥పల్లవి॥
బుడిబుడి మాయలఁ బొరలేటి దేహికి కడవరాని బంధము కాంతలు యెడపడ కందుకంటే నెక్కుడైన బంధము కడునాసఁ బొరలించు కనకము	॥ఎక్క॥
బాలులకు వృద్ధులకు పాయపు వివేకులకు తేలించే బంధములు దినరుచులు మూలనున్నాఁ బోనీదు ముంగిటనే వేసేది వేళ గాచిన బంధము విద్యాగర్వము	॥ఎక్క॥
పాయ దేజంతువులైనాఁ బశుపక్షులకునైనా బాయటి గీముల కట్టుఁబాటు బంధము యేయెడ శ్రీవేంకటేశ ఇంక నీదాసులకైతే చాయై చెప్పినట్టు సేసు సకలబంధములు	॥ఎక్క॥