ఆంధ్రభారతి - తాళ్లపాక అన్నమాచార్య కీర్తనలు - దైవమా యేమి సేతు తలఁప నీవే దిక్కు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 263-2
సంపుటము: 3-362

తాళ్లపాక అన్నమాచార్య

రాగము: మలహరి

దైవమా యేమి సేతు తలఁప నీవే దిక్కు భావించి చదువఁబోయి పశుబుద్ధినైతి	॥పల్లవి॥
కననా సంసారము కడలేని భారమౌట కనినాఁ దొలఁగరాదు కాలురులు విననా యీ దేహము విరసపు హేయమౌట వినినా జిగురుఁ గండె విడిపించరాదు	॥దైవ॥
తెలియనా ఇంద్రియాలు ద్రిష్టపు విరోధమౌట తెలిసినాఁ బోఁగువలెఁ దెంచరాదు పలుకనా పాపములు పాయని బంధములని పలికినాఁ గొన్న వెఱ్ఱి పట్టితోయరాదు	॥దైవ॥
యెఱఁగనా యీలోకమిది మాయమయమని యెఱిఁగినాఁ బడ్డవోఁద మెక్కరాదు మెఱయ శ్రీవేంకటేశ మేనిలోననే వుండి మఱియును నన్నునేల మన్నన సేసితివి	॥దైవ॥