ఆంధ్రభారతి - తాళ్లపాక అన్నమాచార్య కీర్తనలు - హరి యిచ్చిన వరము లటువలెఁ గావుగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 263-4
సంపుటము: 3-364

తాళ్లపాక అన్నమాచార్య

రాగము: సాళంగనాట

హరి యిచ్చిన వరము లటువలెఁ గావుగా తిరమై వివేకులెల్లాఁ దెలిసేటి దిదియే	॥పల్లవి॥
శిరసులు తుంచితుంచి చిచ్చులోన వేలిచి వరములు వడసె రావణుఁ డెన్నైనా నిరతి రాముని చేత నిమిషములోననే వరములన్నియు నెందో వరతిపాలాయ	॥హరి॥
వీరఘోరతపముల వెలయ బాణాసురుఁడు కోరి చేకొన్నవరాలు కోటానఁగోటి వూరకే కృష్ణునిచేత నొక యిసుమంతలోనే తోరమైన వరములు తుత్తునియలాయ	॥హరి॥
వట్టిజాలిఁ బొరలక వరుస విభీషణుఁడు జట్టిగ రఘుపతికి శరణనెను నెట్టన నాతనిఁ గాచె నేఁడూ నున్నాఁడదె యిట్టే శ్రీవేంకటాద్రి నిచ్చీ వరములు	॥హరి॥