ఆంధ్రభారతి - తాళ్లపాక అన్నమాచార్య కీర్తనలు - ఎక్కడి విరతి మాకు నిహమెల్లాఁ దగులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 263-6
సంపుటము: 3-366

తాళ్లపాక అన్నమాచార్య

రాగము: శ్రీరాగం

ఎక్కడి విరతి మాకు నిహమెల్లాఁ దగులు మక్కళించి మక్కళించి మాయకింతాఁ దగులు	॥పల్లవి॥
పుట్టినప్పుడే పాపపుణ్యములు దగులు అట్టె దేహమున కన్నమూఁ దగులు గట్టిగా నీరెండూనై తే కర్మమూఁ దగులు యెట్టునుఁ బోరాదు మాయకింతాఁ దగులు	॥ఎక్క॥
మనికి సంసారియైతే మమతలుఁ దగులు పెనగఁగఁ బెనగఁగా బిడ్డలూఁ దగులు అనువై యీలంపటాన కాసలెల్లాఁ దగులు మన సొక్కటొక్కటై మాయకింతాఁ దగులు	॥ఎక్క॥
అరయ శ్రీవేంకటాశుఁ డాత్మలోనే తగులు శరణన్నవారికి విజ్ఞానము దగులు గరిమ నిందువల్లనే ఘన మోక్షమూఁ దగులు మరిగినప్పుడే సుమ్మీ మాయకింతాఁ దగులు	॥ఎక్క॥