ఆంధ్రభారతి - తాళ్లపాక అన్నమాచార్య కీర్తనలు - నరహరి నీ దయమీఁదట నా చేఁతలు గొన్నా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 264-2
సంపుటము: 3-368

తాళ్లపాక అన్నమాచార్య

రాగము: బౌళి

నరహరి నీ దయమీఁదట నా చేఁతలు గొన్నా శరణాగతియును జీవుని స్వతంత్రము రెండా	॥పల్లవి॥
మొఱయుచు నరకపు వాకిలి మూసిరి హరి నీదాసులు తెఱచిరి వైకుంఠపురము తెరువుల వాకిళ్ళు నుఱిపిరి పాపములన్నియు నుగ్గుగ నిటు తూర్పెత్తిరి వెఱవము వెఱవము కర్మపువిధులిఁక మాకేలా	॥నర॥
పాపిరి నా యజ్ఞానము పరమాత్ముఁడ నీదాసులు చూపిరి నిను నామతిలో సులభముగా నాకు రేఁపిరి నీపై భక్తిని రే‌యినిఁ బగలును నాలో వోపము వోపము తపములు వూరకె ఇఁక నేలా	॥నర॥
దిద్దిరి నీ ధర్మమునకు దేవా శ్రీవేంకటేశ్వర అద్దిరి నీదాసులు నీయానందములోన ఇద్దరి నీనా పొందులు యేర్పరచిటువలెఁ గూర్చిరి వొద్దిక నొద్దిక నాకిఁక నుద్యోగములేలా	॥నర॥