ఆంధ్రభారతి - తాళ్లపాక అన్నమాచార్య కీర్తనలు - ఏది చూచిననుఁ గడు నిటువంటి సోద్యములే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 23-4
సంపుటము: 1-140

తాళ్లపాక అన్నమాచార్య

రాగము: శ్రీరాగం

ఏది చూచిననుఁ గడు నిటువంటి సోద్యములే మేదినికిఁ గిందుపడి మిన్నందనేలా	॥ఏది॥
కరిరాజుగా ^[1]చిన కరుణానిధివి నీవు అరిది నరసింహరూపైతివేలా వురగేంద్రశయనమున నుండి నీవును సదా గరుడవాహనుఁడవై గమనించనేలా	॥ఏది॥
పురుషోత్తమఖ్యాతిఁ బొదలి యమృతము వంప తరుణివై వుండ నిటు దైన్యమేలా శరణాగతులకు రక్షకుఁడవై పాము నీ- చరణములకిందైన చలముకొననేలా	॥ఏది॥
దేవతాధిపుఁడవై దీపించి యింద్రునకు భావింప తమ్ముఁడనఁ బరగితేలా శ్రీవేంకటాచలస్థిరుఁడవై లోకముల జీవకోట్లలోనఁ జిక్కువడనేలా	॥ఏది॥

^[1] ‘గాచినా’ రేకు; పూ.ము.పా.