ఆంధ్రభారతి - తాళ్లపాక అన్నమాచార్య కీర్తనలు - అరసి నన్నుఁ గాచినాతనికి శరణు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 265-3
సంపుటము: 3-374

తాళ్లపాక అన్నమాచార్య

రాగము: లలిత

అరసి నన్నుఁ గాచినాతనికి శరణు పరము నిహమునేలే పతికిని శరణు	॥పల్లవి॥
వేదములు దెచ్చినట్టి విభునికి శరణు ఆదిమూలమంటే వచ్చినతనికి శరణు యేదెసాఁ దానై యున్నయీతనికి శరణు శ్రీదేవిమగఁడైన శ్రీపతికి శరణు	॥అర॥
అందరికిఁ బ్రాణమైన‌ అతనికి శరణు ముందు మూఁడుమూర్తులమూర్తికి శరణు దిందుపడి దేవతల దేవునికి శరణు అంది మిన్నునేల నేకమైనతనికి శరణు	॥అర॥
తానేఁ చేతన్యమైన దైవానకు శరణు నానాబ్రహ్మాండాలనాథునికి శరణు ఆనుక శ్రీవేంకటాద్రియందునుండి వరములు దీనుల కిందరికిచ్చే దేవునికి శరణు	॥అర॥