ఆంధ్రభారతి - తాళ్లపాక అన్నమాచార్య కీర్తనలు - ఇది నమ్మలేఁడు పుణ్యాలేమేమో చేసీ దేహి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 265-4
సంపుటము: 3-375

తాళ్లపాక అన్నమాచార్య

రాగము: మంగళకౌశిక

ఇది నమ్మలేఁడు పుణ్యాలేమేమో చేసీ దేహి పొదలి యిందువంకనే పొడవెక్కలేఁడా	॥పల్లవి॥
మంచి మందుగొన్నవాఁడు మహామహారోగముల అంచెలఁ బాసి సుఖియయ్యీనటా అంచితపు హరినామమనే మందుగొన్నవాఁడు పొంచి పాపరోగములఁ బోఁదోలలేఁడా	॥ఇది॥
జోడు దొడిగినవాఁడు చొక్కపు టలుగులకు వోడక రణజయము నొందీనటా వాడక హరిదాస్యపు వజ్రపంజరపువాఁడు వీడ జన్మపుటమ్ములు విదలించలేఁడా	॥ఇది॥
వైపగుఁ గాణాచిగలవాఁడు దరిద్రముఁ బాసి పైపై సంపదలతో బ్రదికీనటా దాపై శ్రీవేంకటేశు పాదములందుఁ గాణాచి యేపొద్దూఁ గలుగువాఁడు యెక్కువగా లేఁడా	॥ఇది॥