ఆంధ్రభారతి - తాళ్లపాక అన్నమాచార్య కీర్తనలు - రెప్పలమరఁ గదె రేపును మాపును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 266-2
సంపుటము: 3-378

తాళ్లపాక అన్నమాచార్య

రాగము: లలిత

రెప్పలమరఁ గదె రేపును మాపును యిప్పుడే తోఁచీ నిదివో కీలు	॥పల్లవి॥
మనసున నున్నవి మాయలన్నియును మనసు మరచితే మాయలు మరచును పనివడి మనసునుఁ బారఁగవిడిచిన కనుఁగొన మాయలు కడలే వివిగో	॥రెప్ప॥
దేహమున నున్నది తెగని లంపటము దేహ మణఁచితేఁ దెగును లంపటము వూహల దేహమే వోమగఁ దొడఁగిన మోహపు మాయలు మోపుల కొలఁది	॥రెప్ప॥
ఆతుమ నున్నాఁడు అంతరాత్మకుఁడు ఆతుమ మరచిన నాతఁడు మరచును యీతఁడె శ్రీవేంకటేశ్వరుఁ గొలిచిన చేచేతనే సుఖములు సేనాసేన	॥రెప్ప॥