కోరుదు నామది ననిశము [1]గుణాధరు నిర్గుణుఁ గృష్ణుని నారాయణు విశ్వంభరు నవనీతాహారు	॥కోరుదు॥
కుండలిమణిమయభూషణు కువలయదళవర్ణాంగుని నండజపతివాహనుని నగణితభవహరుని మండనచోరకదమనుని మాలాలంకృతవక్షుని నిండుకృపాంబుధిచంద్రుని నిత్యానందునిని	॥కోరుదు॥
ఆగమపుంజపదార్థుని ఆపత్సఖసంభూతుని నాగేంద్రాయతతల్పుని నానాకల్పునిని సాగ బ్రహ్మమయాఖ్యుని సంతతగానవిలోలుని వాగీశ్వరసంస్తోత్రుని వైకుంఠోత్తముని	॥కోరుదు॥
[2]కుంకుమవసంతకాముని గోపాంగనకుచలిప్తుని(?) శంకరసతిమణినుతుని సర్వాత్ముని సముని [3]శంకనినాదమృదంగుని చక్రాయుధ[4]వేదీప్తుని వేంకటగిరినిజవాసుని విభవస[5]దాయినిని[6]	॥కోరుదు॥

---

^[1] ‘గుణ(ణా?)’ పూ.ము.పా. ‘గుణాధారు’ వుండవచ్చునేమో.

^[2] ‘గోపాంగనాకుచలిప్తకుంకుమవసంతకాముని’ అను భావముతో ఈ పాదము ఇట్లు చెడినదేమో? కొన్నితావుల యతిప్రాసల నిర్బంధము ఈ పని చేయించుచున్నది.

^[3] ప్రాసనిర్బంధముతో ‘శంఖ’ ‘శంక’ అయినదేమో.

^[4] ‘విదీప్తుని’ కావచ్చు.

^[5] ‘విధాయకుని’ కావచ్చునేమో.

^[6] దీని రచన యప్రస్తుతముగా నున్నది.