ఆంధ్రభారతి - తాళ్లపాక అన్నమాచార్య కీర్తనలు - ముగియదు కాలము ముందరికి కింకాఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 266-6
సంపుటము: 3-382

తాళ్లపాక అన్నమాచార్య

రాగము: శంకరాభరణం

ముగియదు కాలము ముందరికి కింకాఁ దెగని ప్రవాహము దినదిన మిదిగో	॥పల్లవి॥
పొంకపు హరిచేఁ బొడమిన జగమిది యింకాఁ బొడమీనివి గొన్ని కంకిగఁ జెరువులు కాల్వలు నంటా అంకెల నిర్మితమయ్యీ నివిగో	॥ముగి॥
దేహము భోగించి దించిన విషయము- లీహల మీఁదెత్తె నివి గొన్ని ఆహారములై అన్యస్త్రీలై వూహలనే నోరూరించీ నివిగో	॥ముగి॥
మనసునఁ దలఁచిన మాయలు కమ్మర- నినుమడించె మతి నివి గొన్ని కనుఁగొని శ్రీవేంకటపతిదాసులు పెనఁగి పెంచఁగాఁ బెరిగీనిదిగో	॥ముగి॥