ఆంధ్రభారతి - తాళ్లపాక అన్నమాచార్య కీర్తనలు - కాంతల మానమనేటి కరవట్నాలకు దిగె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 267-6
సంపుటము: 3-388

తాళ్లపాక అన్నమాచార్య

రాగము: రామక్రియ

కాంతల మానమనేటి కరవట్నాలకు దిగె మంతనాన జీవుఁడనే మంచిమరకాఁడు	॥పల్లవి॥
అరిది సంసారమనే యంబుధిలోనఁ దిరిగి వురుగతి దేహపుటోడమీఁద సరిఁ బాపపుణ్యముల సరకులు నించుకొని దరి చేరె జీవుఁడనే తలమరకాఁడు	॥కాంత॥
కడలేని నిట్టూర్పుగాలి విసరఁగాను జడియుఁ గోరికలనే చాపలెత్తి అడిబరవుగ మాయ అందునిండా నించుకొని యెడతాఁకె జీవుఁడనే యీమరకాఁడు	॥కాంత॥
అలర శ్రీవేంకటేశుఁడని యేటిమాలిమి నలుదిక్కులకు నోడ నడపఁగాను ములిగె ధర్మార్థకామమోక్షధనము గడించి పలుమాఱు జీవుఁడనే బలుమరకాఁడు	॥కాంత॥