ఆంధ్రభారతి - తాళ్లపాక అన్నమాచార్య కీర్తనలు - అటు గుడువు మనస నీ వన్నిలాగులఁ బొరలి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 23-6
సంపుటము: 1-142

తాళ్లపాక అన్నమాచార్య

రాగము: సామంతం

అటు గుడువు మనస నీ వన్నిలాగులఁ బొరలి ఇటు గలిగె నీకు నై ^[1]హితవిచారములు	॥అటు॥
కోరికలకునుఁ గలిగె ఘోరపరితాపంబు కూరిమికిఁ గలిగె ననుకూలదుఃఖములు తారతమ్యమములేని తలపోఁతలకుఁ గలిగె భారమైనట్టి లంపటమనెడి మోపు	॥అటు॥
తనువునకుఁ గలిగె సంతతమైన తిమ్మటలు మనువునకుఁ గలిగె నామనివికారములు పనిలేని సంసారబంధంబునకుఁ గలిగె ఘనమైన దురితసంగతితోడి చెలిమి	॥అటు॥
దేహికినిఁ గలిగె నింద్రియములను బోధింప దేహంబునకుఁ గలిగె తెగని సంశయము దేహాత్మకుండయిన తిరువేంకటేశునకు దేహిదేహాంతరస్థితిఁ జూడఁగలిగె	॥అటు॥

^[1] ‘నైహిక’ కావచ్చు.