అధ్యాత్మ సంకీర్తన
రేకు: 269-4
సంపుటము: 3-398
రేకు: 269-4
సంపుటము: 3-398
తాళ్లపాక అన్నమాచార్య
రాగము: భూపాళం
| తెలిసియుఁ దెలియను తెగదీ చిక్కేమిటాను కలకాల మిందుననే గరివడె బ్రదుకు | ॥పల్లవి॥ |
| దేహముపై రోఁత తెలుసుకొనేటి వేళ ఆహా యిదే హేయమై తోఁచును మోహించి విషయాల మునిఁగిన వేళ నిదే యీహల నంతటిలోనే ఇతవులై వుండును | ॥తెలి॥ |
| చదివి నేఁ బురాణాలు సారెకు వినేటి వేళ అదివో విరతి ఘనమై వుండును కదిసి సంసార సుఖకాంక్షలఁ బొందేటి వేళ మది నన్నియు మరచి మద మెక్కి వుండును | ॥తెలి॥ |
| యెక్కడిది వివేక మెవ్వరు గెలిచినారు చక్కఁ బొడవెక్కించు చరిఁ దోసును దిక్కు నీవే శ్రీవేంకటదేవుఁడ నీ శరణంటే యెక్కువ బ్రదుకుఁదోవ యిదియే కలది | ॥తెలి॥ |