ఆంధ్రభారతి - తాళ్లపాక అన్నమాచార్య కీర్తనలు - అల్లనాఁడే యిదెరఁగ మైతిమి గాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 269-5
సంపుటము: 3-399

తాళ్లపాక అన్నమాచార్య

రాగము: దేసాక్షి

అల్లనాఁడే యిదెరఁగ మైతిమి గాని యిల్లిదె దేవుని కృప యీడ నున్నది సుండీ	॥పల్లవి॥
చేరువవో మోక్షము శ్రీహరిభక్తికిని ధారుణిఁ గర్మమునకే దవ్వుగాని యీరీతి నింద్రియముల నించుకంతే దాఁటిన దూరముగాదు జ్ఞానపుతోవ వున్నది సుండి	॥అల్ల॥
ధరఁ జేతిది వైకుంఠ మతని దాస్యమునకు పరధర్మముల కగపడదు గాని అరుదైన యాసల ఆయము వొడిచితేనే అరసి యాకంతగుండా నందవచ్చుఁ జుండి	॥అల్ల॥
తలఁపులో దక్కె ముక్తి తగు శరణాగతికి శిలుగుఁ బుణ్యములకుఁ జిక్కదుగాని తెలిసి శ్రీవేంకటేశు తిరుమంత్రము నాలికెఁ బలికినాడనే దివ్యపద మబ్బుఁ జుండి	॥అల్ల॥