ఆంధ్రభారతి - తాళ్లపాక అన్నమాచార్య కీర్తనలు - ఎదురు లేక చరింతురెట్టైనా శ్రీవైష్ణవులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 270-1
సంపుటము: 3-401

తాళ్లపాక అన్నమాచార్య

రాగము: దేసాళం

ఎదురు లేక చరింతురెట్టైనా శ్రీవైష్ణవులు మదించి నేనుగులకు మట్టు మేర వున్నదా	॥పల్లవి॥
భాగీరథిలోనఁ బాపమున్నదా పుణ్య- భోగపు వేదములలో బొంకులున్నవా సాగరపుటమృతపు చవిలోఁ జేఁదున్నదా ఆగతి హరిదాసుల కపరాధ మున్నదా	॥ఎదు॥
ఆకసములోన నెరుసందునున్నదా భూమిఁ జేకొని రవియెదుటఁ జీఁకటున్నదా యీకడఁ గామధేనువు కియ్యరానివున్నవా కైకొన్న ప్రపన్నులను గరిసించ నున్నదా	॥ఎదు॥
హరినామమంత్రములో నౌఁగాము లున్నవా గురుకృప గలిగియుఁ గొరతున్నదా సరవి శ్రీవేంకటేశు శరణన్నవారికి విరసంబు లందులో వెదకఁగఁ గలదా	॥ఎదు॥