ఆంధ్రభారతి - తాళ్లపాక అన్నమాచార్య కీర్తనలు - వీఁడివో లక్ష్మీపతి వీఁడివో సర్వేశుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 270-2
సంపుటము: 3-402

తాళ్లపాక అన్నమాచార్య

రాగము: రామక్రియ

వీఁడివో లక్ష్మీపతి వీఁడివో సర్వేశుఁడు వీఁడివో కోనేటిదండ విహరించే దేవుఁడు	॥పల్లవి॥
కొండ గొడగుగ నెత్తి గోవులఁ గాచె నాఁడు కొండవంటి దానవునిఁ గోరి చించెను కొండ శ్రీవేంకటమెక్కి కొలువున్నాఁ డప్పటిని కొండవంటి దేవుఁ డిదే కోనేటికఱుతను	॥వీఁడి॥
మాఁకుల మద్దులు దొబ్బి మరి కల్పభూజమనే- మాఁకు వెరికి తెచ్చెను మహిమీఁదికి మాఁకుమీఁద నెక్కి గొల్ల మగువల చీరలిచ్చి మాఁకుల కోనేటిదండ మరిగినాఁ డిదివో	॥వీఁడి॥
శేషుని పడగెనీడఁ జేరి యశోద యింటికి శేషజాతి కాళింగుఁ జిక్కించి కాచె శేషాచలమనేటి శ్రీవేంకటాదిపై శేషమై కోనేటిదండఁ జెలఁగీని దేవుఁడు	॥వీఁడి॥