ఆంధ్రభారతి - తాళ్లపాక అన్నమాచార్య కీర్తనలు - విశ్వరూప మిదివో విష్ణురూప మిదివో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 271-4
సంపుటము: 3-409

తాళ్లపాక అన్నమాచార్య

రాగము: భైరవి

విశ్వరూప మిదివో విష్ణురూప మిదివో శాశ్వతులమైతి మింక జయము మా జన్మము	॥పల్లవి॥
కొండవంటి హరిరూపు గురుతైన తిరుమల పండిన వృక్షములే కల్పతరువులు నిండిన మృగాదులెల్ల నిత్యముక్త జనములు మెండుగఁ బ్రత్యక్షమాయ మేలువో నా జన్మము	॥విశ్వ॥
మేడవంటి హరిరూపు మించైన పైఁడి గోపుర- మాడనే వాలిన పక్షు లమరులు వాడలఁ గోనేటిచుట్ల వైకుంఠనగరము యీడ మాకుఁ బొడచూపె ఇహమేపో పరము	॥విశ్వ॥
కోటి మదనులవంటి గుడిలో చక్కని మూర్తి యీటు లేని శ్రీవేంకటేశుఁడితఁడు వాఁటపు సొమ్ములు ముద్ర వక్షపు టలమేల్మంగ కూటువై నన్నేలితి యెక్కువవో నాతపము	॥విశ్వ॥