ఆంధ్రభారతి - తాళ్లపాక అన్నమాచార్య కీర్తనలు - నీకే శరణంటి నిన్నే నమ్మితినయ్య - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 271-5
సంపుటము: 3-410

తాళ్లపాక అన్నమాచార్య

రాగము: ఆహిరి

నీకే శరణంటి నిన్నే నమ్మితినయ్య పైకొని శ్రీహరి నీవే పరిహరించవే	॥పల్లవి॥
విజ్ఞానములు గొన్ని విందు నే నూరకే సుజ్ఞానములు గొన్ని చూతు నే నేపొద్దు అజ్ఞానము నే ననిశము నడచేది ప్రజ్ఞాహీనుఁడ నెంత పాపకర్మమో	॥నీకే॥
సుకృతము లొకమరి సొరిది నే బోధింతు ప్రకృతి యొక్కొక వేళ భావింతు నాత్మలో అకృతములే నే ననిశముఁ జేసేది వికృతాచారుఁడ నింకా వికార మెంతో	॥నీకే॥
ధర్మమార్గమూఁ గొంత తలఁపున నెరిఁగితి నిర్మలచిత్తమై మోక్షనిలయము నెరిఁగితి నిర్మించి శ్రీవేంకటేశ నీవు నన్ను నేలఁగాను మర్మ మెరిఁగితి నెట్ల మన్ననఁ గాచితివో	॥నీకే॥