ఆంధ్రభారతి - తాళ్లపాక అన్నమాచార్య కీర్తనలు - విష్ణుఁడ వచ్యుతుఁడవు విశ్వపరిపూర్ణుఁడని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 272-2
సంపుటము: 3-413

తాళ్లపాక అన్నమాచార్య

రాగము: ముఖారి

విష్ణుఁడ వచ్యుతుఁడవు విశ్వపరిపూర్ణుఁడని వైష్ణవు లానతియ్యఁగా వట్టి చదువులేల	॥పల్లవి॥
వెన్న చేతఁబట్టి నేయి వెదకఁగ నిఁకనేల నిన్ను లోన నించుకొని నిజమేదో యననేల వున్నతి దీపమువట్టి వొగి నూతఁబడనేల పన్ని నీ దాస్యము గల్గ బహుకర్మమేల	॥విష్ణుఁ॥
చాలాధనము గల్గి సంతలఁ దిరియనేల నాలుక నీ పేరు గల్గ నానాజపములేల కాలము నేరు గుడిచి కాలువ వొగడనేల పాలించ నీ వుండఁగాను పరచింతలేల	॥విష్ణుఁ॥
మిన్ను చూచేయందుకుఁగా మిక్కిలి తోదోపు లేల అన్నిటా నీవుండఁగాను అడుగనేల యెన్నఁగ శ్రీవేంకటేశ యిందరి నేలేవు నీవే నిన్నే కొలుచుటఁ గాక నీటుగర్వాలేల	॥విష్ణుఁ॥