ఆంధ్రభారతి - తాళ్లపాక అన్నమాచార్య కీర్తనలు - చంచలము మానితేను సంసారమే సుఖము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 272-3
సంపుటము: 3-414

తాళ్లపాక అన్నమాచార్య

రాగము: వరాళి

చంచలము మానితేను సంసారమే సుఖము పొంచి హరిదాసుఁడైతే భూమెల్లా సుఖము	॥పల్లవి॥
వొరుల వేఁడకవుంటే వున్నచోనే సుఖము పరనింద విడిచితే భావమెల్లా సుఖము సరవిఁ గోపిఁచకుంటే జన్మ మెల్లా సుఖమే హరిఁ గొలిచినవారి కన్నిటాను సుఖమే	॥చంచ॥
కాని పని సేయకుంటే కాయమే సుఖము మౌనమున నుండితేను మరులైనా సుఖము దీనత విడిచితేను దినములెల్లా సుఖము ఆని హరిఁ దలఁచితే నంతటా సుఖమే	॥చంచ॥
చలము విడిచితేను సంతతము సుఖము యిల నాసలుడిగితే నిహమెల్లా సుఖమే తలఁగి శ్రీవేంకటేశు దాసులైనవారు వీని గెలిచి నటించఁగాను కిందా మీఁదా సుఖమే	॥చంచ॥