ఆంధ్రభారతి - తాళ్లపాక అన్నమాచార్య కీర్తనలు - నిలిచినచోటనెల్లా నిధాన మీతఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 272-6
సంపుటము: 3-417

తాళ్లపాక అన్నమాచార్య

రాగము: లలిత

నిలిచినచోటనెల్లా నిధాన మీతఁడు యిల వెఱవ వెఱవ నేమిటికి నిఁకను	॥పల్లవి॥
హరి నాకుఁ గలఁడుగా అన్నిటిఁ బరిహరించ నిరతి గర్మములెంత నిండుకుండినా దరిదాపు ఇతఁడేకా తగ వెనుక వేసుకో విరవిరఁ బాపాలు నా వెంటఁ బడినాను	॥నిలి॥
గోవిందుఁడు గలఁడుగా కొంకు దీర్చి ననుఁ గావ కావరపు భవములు గదిమినాను దేవుఁడితఁ డున్నాఁడుగా దిక్కుదెసై నిలుపఁగా భావపు సంసారవార్ధి పైకొని ముంచినను	॥నిలి॥
శ్రీవేంకటేశుఁడే చిత్తగించి నన్నేలెఁగా వావాత నింద్రియాలు వళకాడినా యీవల నావల నితఁ డిహపరా లిచ్చెఁగా వావిరి నే దాస్యగర్వముతో నుండినను	॥నిలి॥