అధ్యాత్మ సంకీర్తన
రేకు: 24-3
సంపుటము: 1-145
రేకు: 24-3
సంపుటము: 1-145
తాళ్లపాక అన్నమాచార్య
రాగము: ఆహిరి
| ఏల సమకొను సుకృత మెల్లవారికి మహా- మాలిన్యమున నాత్మ మాసినది గాన | ॥ఏల॥ |
| కలికాలదోషంబు కడవరానిది గాన తలఁపు దురితముల కాధారంబు గాన బలుపూర్వకర్మములు పట్టరానివి గాన మలమూత్రజన్మంబు మదకరము గాన | ॥ఏల॥ |
| రాఁపైన గుణవికారములు బహుళము గాన ఆఁపరానివి యింద్రియంబు లటుగాన దాఁపరంబగు మమత దయదలంపదు గాన కాఁపురముచే నాస కప్పుకొనుఁ గాన | ॥ఏల॥ |
| హృదయంబు చంచలం బిరవుగానదు గాన చదువు బహుమార్గములఁ జాటు నటుగాన యెదురనుండెడు వేంకట్వేరుని నిజమైన పదముపై కోరికలు పైకొనవు గాన | ॥ఏల॥ |


