ఆంధ్రభారతి - తాళ్లపాక అన్నమాచార్య కీర్తనలు - కొలిచినవారల కొంగు పైఁడితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 273-2
సంపుటము: 3-419

తాళ్లపాక అన్నమాచార్య

రాగము: సాళంగం

కొలిచినవారల కొంగు పైఁడితఁడు బలిమిఁ దారకబ్రహ్మ మీతఁడు	॥పల్లవి॥
యినవంశాంబుధి నెగసిన తేజము ఘనయజ్ఞంబులఁ గల ఫలము మనుజరూపమున మనియెడి బ్రహ్మము నినుపుల రఘుకులనిధాన మితఁడు	॥కొలి॥
పరమాన్నము లోపలి సారపుఁజవి పరగిన దివిజుల భయహరము మరిగిన సీతామంగళసూత్రము ధరలో రామావతారం బితఁడు	॥కొలి॥
చకిత దానవుల సంహారచక్రము సకల వనచరుల జయకరము వికసితమగు శ్రీవేంకటనిలయము ప్రకటిత దశరథభాగ్యం బితఁడు	॥కొలి॥