ఆంధ్రభారతి - తాళ్లపాక అన్నమాచార్య కీర్తనలు - శరణు కపీశ్వర శరణం బనిలజ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 273-4
సంపుటము: 3-421

తాళ్లపాక అన్నమాచార్య

రాగము: శంకరాభరణం

శరణు కపీశ్వర శరణం బనిలజ సరవి నెంచ నీ సరి యిఁక వేరీ	॥పల్లవి॥
పుట్టినవాఁడే భువనము లెరఁగఁగ పట్టితి సూర్యునిఁ బండనుచు ముట్టిన చుక్కలు మోవఁగఁ బెరిగితి విట్టిప్రతాపివి యెదురేదయ్యా	॥శర॥
అంపిన యప్పుడె యంబుధి దాఁటితి- వింపులు సీతకు నిచ్చితివి సంపద మెరయుచు సంజీవి దెచ్చితి పెంపును సొంపునుఁ బేర్కొన వశమా	॥శర॥
బెదరక నేఁడే శ్రీవేంకటగిరిఁ గదిసి రాముకృప గైకొంటి వదలక నీ కృపవాఁడనైతినిదె యెదుటనే కాచితివిఁకఁ గడమేమీ	॥శర॥