ఆంధ్రభారతి - తాళ్లపాక అన్నమాచార్య కీర్తనలు - విడువవో మాయా విష్ణువధీనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 274-1
సంపుటము: 3-424

తాళ్లపాక అన్నమాచార్య

రాగము: మంగళకౌశిక

విడువవో మాయా విష్ణువధీనము వొడలిది నీ కెందు నునికే లేదు	॥పల్లవి॥
శ్రీపతినామము చేకొనే నాలుక యే పాపములకు నెడలేదు దాపగు గోవిందుఁ దలఁచిన మనసిది కోపముల కిరవుకొన నెడలేదు	॥విడు॥
నెలవుగ హరికథ నిండెను వీనుల కలిదోషము లిక్కడ లేవు అలరిన జన్మం బచ్యుతు శరణని నిలిచె దుఃఖముల నివారణము	॥విడు॥
శ్రీవేంకటపతిఁ జేరె నాత్మ యిది భావవికారము పని లేదు దైవాధీనము తత్త్వవిచారము వేవేలు కర్మపువిధులే లేవు	॥విడు॥