ఆంధ్రభారతి - తాళ్లపాక అన్నమాచార్య కీర్తనలు - ఇన్నిటా శ్రీహరిభక్తి యిది లాభము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 274-2
సంపుటము: 3-425

తాళ్లపాక అన్నమాచార్య

రాగము: లలిత

ఇన్నిటా శ్రీహరిభక్తి యిది లాభము పన్నిన తపముచేత బడలుటే లాభము	॥పల్లవి॥
యెనయఁ గర్మదేహ మిదెన్ని పాట్లు వచ్చినా ననుభవించి తీరుచు టది లాభము తన పాపవర్తన యితరు లెంత నిందించినా ననుమానించక పడుటది లాభము	॥ఇన్ని॥
తగు సంసారజీవుఁడు తన్నెంత వేసరించినా నగి రుణము దీర్చుట నానాలాభము చిగురువంటి చిత్తము చేరి యెందు దిప్పినాను తగిలి యలయుటే దక్కినట్టి లాభము	॥ఇన్ని॥
శ్రీవేంకటేశ్వరుఁడు జీవములో నుండఁగాను యేవేళ నెట్లయినా నివి లాభము పావనమైనట్టి యాత్మభావమెంత మఱచినా ఆవల నానందించుటది లాభము	॥ఇన్ని॥