ఆంధ్రభారతి - తాళ్లపాక అన్నమాచార్య కీర్తనలు - దేవ నీవేకాల మెట్టు దిప్పినాఁ దిరుగుట గా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 274-5
సంపుటము: 3-428

తాళ్లపాక అన్నమాచార్య

రాగము: గుజ్జరి

దేవ నీవేకాల మెట్టు దిప్పినాఁ దిరుగుట గా- కీవలఁ బెద్దరికము యెక్కడిదో తనకు	॥పల్లవి॥
దొరకొని జీవుఁడు దుఃఖముల కోపఁడు నరకములోనఁ దననాఁటి పాటెంచఁడు గాని సిరుల కొరకుఁగాఁ జిందువందయ్యీఁ బ్రాణి పురువై పుట్టినపుడే బుద్ధులెందు వోయనో	॥దేవ॥
పొల్లువోకీ మేను నేఁడు భోగించకుండలేదు తల్లికడుపులోనుండి తానేమి భోగించెనో యిల్లు ముంగి లాసపడీ నిప్పుడే యీగుణము తొల్లి జనించనినాఁడు తొలఁగి యెందుండెనో	॥దేవ॥
గుక్కక మనసు నేఁడు కోరక వుండఁగలేదు తక్కి బ్రహ్మప్రళయానఁ దా నెట్లుండెనో నిక్కి శ్రీవేంకటేశ్వర నీమరఁగు నేఁ జొచ్చితి యెక్కువఁ దానిటమీఁద నెందుకు దాఁగీనో	॥దేవ॥