ఆంధ్రభారతి - తాళ్లపాక అన్నమాచార్య కీర్తనలు - నడపే వేఁటికి నాటకము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 274-6
సంపుటము: 3-429

తాళ్లపాక అన్నమాచార్య

రాగము: కన్నడగౌళ

నడపే వేఁటికి నాటకము అడరి నిజముగా నానతి యీవే	॥పల్లవి॥
విశ్వమూర్తి కొక విన్నపము శాశ్వతములాయ జగములివి యీశ్వరేశ్వరున కింకొక విన్నపము ఐశ్వర్యమోక్షం బాత్మలకేది	॥నడ॥
రమాధిపతి కొక రహస్యము సమానుఁడవు నీవు సర్వమున క్రమాన నిఁక నొక రహస్యము సమోహి (?) నరకము స్వర్గము నేలా	॥నడ॥
హరి నే నొకమాఁ టడిగెదను నిరంతరాత్మవు నీవుగదే యిరవుగ శ్రీవేంకటేశ నే నడిగెద విరసము లేదిఁక విచార మేలా	॥నడ॥