ఆంధ్రభారతి - తాళ్లపాక అన్నమాచార్య కీర్తనలు - రామకృష్ణ నీవు నందే రాజ్య మేలుచుండుదువు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 275-3
సంపుటము: 3-432

తాళ్లపాక అన్నమాచార్య

రాగము: లలిత

రామకృష్ణ నీవు నందే రాజ్య మేలుచుండుదువు యేమి సేసే విక్కడ నీ యిరవుకే పదవే	॥పల్లవి॥
లంక విభీషణు నుంచ లక్ష్మణుని నంపినట్టు అంకె సుగ్రీవుఁ గిష్కింధ కంపినయట్టు వంకకు సంజీవి దేను వాయుజుని నంపినట్టు వేంకటాద్రి పొంతనుండ వేగ మమ్ము నంపవే	॥రామ॥
ఘనకిరీటము దేను గరుడని నంపినట్టు అనుఁగుఁ గపుల నిండ్ల కంపినట్టు వొనర గోపికలొద్ది కుద్ధవుని నంపినట్టు ననువు శేషాద్రినుండ నన్ను పంపవే	॥రామ॥
పెండిలికిఁ బరుషలఁ బిలువఁగ నంపినట్టు అండనే ముందరఁ గంత కంపినయట్టు వెండియు శ్రీవేంకటేశ వేఁట వచ్చి మరలితి- వుండ (డు?)చోట నుండి నన్ను వూడిగాన కంపవే	॥రామ॥