ఆంధ్రభారతి - తాళ్లపాక అన్నమాచార్య కీర్తనలు - విచ్చేయవయ్యా వేంకటాచలముపొంత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 275-4
సంపుటము: 3-433

తాళ్లపాక అన్నమాచార్య

రాగము: రామక్రియ

విచ్చేయవయ్యా వేంకటాచలముపొంత- కచ్చుగా నేమున్నచోటి కచ్యుతనారాయణా	॥పల్లవి॥
అల్లనాఁడు లంక సాధించందరును బొగడఁగ మల్లడి నయోధ్యకు మరలినట్లు యెల్లగాఁ గైలాసయాత్ర కేఁగి కమ్మర మరలి వెల్లవిరి ద్వారకకు విచ్చేసినట్లు	॥విచ్చే॥
యెన్నికతో గోమంతమెక్కి జయము చేకొని మన్ననతో మధురకు మరలినట్లు అన్నిచోట్లా నుండి అల్లిరము లారగించ వెన్నుఁడవై వేడుకతో విచ్చేసినట్లు	॥విచ్చే॥
వహికెక్కఁ ద్రిపురాల వనితల బోధించి మహి నిందిర వొద్దికి మరలినట్లు విహగగమన శ్రీవేంకటేశ మముఁ గావ విహితమై నామతిలో విచ్చేసినట్లు	॥విచ్చే॥