ఆంధ్రభారతి - తాళ్లపాక అన్నమాచార్య కీర్తనలు - మా దురితములు వాపి మమ్ముఁ గాచుటరుదా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 275-5
సంపుటము: 3-434

తాళ్లపాక అన్నమాచార్య

రాగము: బౌళి

మా దురితములు వాపి మమ్ముఁ గాచుటరుదా శ్రీదేవీరమణుఁడ శ్రీవేంకటేశ	॥పల్లవి॥
అంబరీషుఁ బైకొన్న ఆపదలన్నియుఁ బాపి బెంబడిఁ గాచె నీచే పెనుచక్రము అంబరాననున్న ధ్రువు నజ్ఞానమెల్లఁ బాపె పంబి నీ చేతనుండిన పాంచజన్యము	॥మాదు॥
పక్కన జరాసంధు బలమెల్ల నుగ్గాడి నిక్కము మధురనిల్పె నీచే గద తొక్కి హిరణ్యకశిపుఁ దునిమి ప్రహ్లాదుఁ గాచె నిక్కి నిక్కి మెరిచేటి నీఖడ్గము	॥మాదు॥
వెడ రావణునిఁ జంపి విభీషణునిఁ గాచె చిడుముడి పడక నీచే శార్ఙ్గము యెడమీక శ్రీవేంకటేశ నేఁడు నన్నుఁ గాచె బడిబడి నీనామపఠన నేఁడిదిగో	॥మాదు॥