ఆంధ్రభారతి - తాళ్లపాక అన్నమాచార్య కీర్తనలు - ఎంత గాలమైనాను హెచ్చీ నాసలు శ్రీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-1
సంపుటము: 3-436

తాళ్లపాక అన్నమాచార్య

రాగము: రామక్రియ

ఎంత గాలమైనాను హెచ్చీ నాసలు శ్రీ- కాంతుఁడ వింతటనై నాఁ గరుణించరాదా	॥పల్లవి॥
పచ్చితనానఁ దిరిగి పండవద్దా చిత్తము గచ్చులఁ దాఁ గసుఁగాయే కలకాలము చచ్చి చచ్చి పుట్టి పుట్టి జారవద్దా కర్మము కొచ్చి కొచ్చి సేసి సేసి గోరపడీఁ గాక	॥ఎంత॥
రోఁత గడుపున నించి రోయవద్దా దేహము కూఁతలతో రుచులెల్లాఁ గోరీఁగాక చేఁతలు యీగుణమైన సిగ్గుపడవలదా బాఁతిపడి విషయాలఁ బరచయ్యీఁ గాక	॥ఎంత॥
నానాఁడే విరతిఁబొంది నవ్వు నవ్వవలదా మానక యీ జీవుఁ డనుమానించీఁ గాక మోనాన శ్రీవేంకటేశ మొక్కి నీదాసుడఁ గాఁగా అనిన విన్నియుఁ బరిహరమయ్యీఁ గాక	॥ఎంత॥