ఆంధ్రభారతి - తాళ్లపాక అన్నమాచార్య కీర్తనలు - సొమ్ము గలవాఁడు తన సొమ్ము చెడనిచ్చునా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-2
సంపుటము: 3-437

తాళ్లపాక అన్నమాచార్య

రాగము: లలిత

సొమ్ము గలవాఁడు తన సొమ్ము చెడనిచ్చునా కమ్మి నీ సొమ్మను నేను కాపాడవే హరి	॥పల్లవి॥
పసుర మడవిఁ బడ్డ పసురము గలవాఁడు దెసలు వెద కింటికిఁ దెచ్చు కొన్నట్టు వసగా నాసల లోన వడిఁబడ్డ నా మనసు యెసగ మళ్లించవే నన్నేలిన గోవిందుఁడా	॥సొమ్ము॥
గొందిఁ బంట సేయువాఁడు కొలుచులు పరకళ్లఁ జిందకుండా గాదెఁ బోసి చేరి కాచీని కందువ మమ్ముఁ బుట్టించి కన్నవారి వాకిళ్లఁ జెంది కావనియ్యకువే జీవునిలో దేవుఁడా	॥సొమ్ము॥
కడుపులోని శిశువు కన్నతల్లి(ఁ?) దన్నితేను బెడగు లెంచక కని పెంచీనటా యెడమీక శ్రీవేంకటేశ నీకుక్షిలో నేను తడవి తప్పుసేసినా దయఁ గావవే	॥సొమ్ము॥