ఆంధ్రభారతి - తాళ్లపాక అన్నమాచార్య కీర్తనలు - మెచ్చుల దంపతులార మీరే గతి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-3
సంపుటము: 3-438

తాళ్లపాక అన్నమాచార్య

రాగము: ధన్నాసి

మెచ్చుల దంపతులార మీరే గతి మెచ్చితి నిన్నిట మిమ్ము మెరసె మీ చేఁతలు	॥పల్లవి॥
తమ్మిలోని మగువా వో ధరణీధరుఁడా మిమ్ము నే నమ్మితి నాకు మీరే గతి నెమ్మది నో యిందిరా నీరజలోచనుఁడా కమ్మి యే పొద్దును మీరే కలరు నాపాలను	॥మెచ్చు॥
పాలజలధి కూఁతుర భక్త వత్సలుఁడ హరి మేలిచ్చి రక్షించ నాకు మీరే గతి కేలి నో శ్రీమహాలక్ష్మి కేశవదయానిధి తాలిమి మీరే నాకు దాపు దండ యెపుడు	॥మెచ్చు॥
చెన్నగు రమాకాంత చెందిన వో మాధవ మిన్నక యేపొద్దు నాకు మీరే గతి చిన్ని యలమేలుమంగ శ్రీవేంకటేశుఁడా యెన్నికె కెక్కించి నన్ను నేలుకొంటి రిదిగో	॥మెచ్చు॥