ఆంధ్రభారతి - తాళ్లపాక అన్నమాచార్య కీర్తనలు - దైవంబవు కర్తవు నీవే హరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-4
సంపుటము: 3-439

తాళ్లపాక అన్నమాచార్య

రాగము: శంకరాభరణం

దైవంబవు కర్తవు నీవే హరి యీవల నావల నెవ్వఁడనయ్యా	॥పల్లవి॥
తలఁచిన తలఁపులు దైవయోగములు కలిగిన చేఁతలు కర్మములు వెలసిన దేహము విషయాధీనము యిలనౌఁ గాదన నెవ్వఁడనయ్యా	॥దైవం॥
జిగి నింద్రియములు చిత్తపు మూలము తగులమి (ము?) మాయకుఁ దనుగుణము జగతిఁ బ్రాణములు సంసారబంధము యెగదిగ నాడఁగ నెవ్వఁడనయ్యా	॥దైవం॥
శ్రీతరుణీశ్వర శ్రీవేంకటపతి ఆతుమ యిది నీయధీనము యీతల నీవిఁక నెట్టైనఁ జేయుము యే తలపోఁతకు నెవ్వఁడనయ్యా	॥దైవం॥