ఆంధ్రభారతి - తాళ్లపాక అన్నమాచార్య కీర్తనలు - ఎన్నఁ డిఁక యేది గొలఁదిపాటు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-5
సంపుటము: 3-440

తాళ్లపాక అన్నమాచార్య

రాగము: దేసాక్షి

ఎన్నఁ డిఁక యేది గొలఁదిపాటు వున్నతపు మాయలకే వొడిగట్టవలసె	॥పల్లవి॥
చీ చీ మనసా చీ మనసా కాచేటి పూచేటి వో ఘనజన్మమా నీచు యెండమావులెల్లా నీళ్లంటా నమ్మినట్టు చూచి చూచి యింద్రియాలే సుఖమనవలసె	॥ఎన్నఁ॥
కట్టా జీవుఁడా కటకటా జీవుఁడా తొట్టిన పంచభూతాలతోడి దేహమా వెట్టిఁ జెఱకుపోలికి వెదురు నమలినట్టు కట్టిన యీ కనకమే బ్రహ్మమనవలెసె	॥ఎన్నఁ॥
బాపు బాపు దైవమా భావపు శ్రీవేంకటేశ చూపుల నాయాతుమలో సుజ్ఞానమా దోపుచుఁ బూవులవల్ల తుంగ దల కెక్కినట్టు దాపగు నాలికె నిన్నుఁ దలఁచఁగవలసె	॥ఎన్నఁ॥