ఆంధ్రభారతి - తాళ్లపాక అన్నమాచార్య కీర్తనలు - పొందినవెల్లా భోగ్యములే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 276-6
సంపుటము: 3-441

తాళ్లపాక అన్నమాచార్య

రాగము: దేవగాంధారి

పొందినవెల్లా భోగ్యములే అందరిలో నిఁక ననుమానమేలా	॥పల్లవి॥
హరి నీ సంకల్ప మన్నిట నుండఁగ గరిమల మా సంకల్పము లేఁటికి దురితము లణఁచీ దొర నీ నామము సొరిది విధికిఁగా సుడివడనేలా	॥పొంది॥
జిగి నీ ధ్యానము చింతలు మాన్పఁగ వెగటున మా కిఁక వెడ చింతేఁటికి తగు నీ తత్త్వము తపఃఫల మొసఁగ అగడుఁ గోరికల ఆసలిఁ కేలా	॥పొంది॥
కమ్మి నీ శరణుగతి యిటు చూపఁగ కమ్మర నుద్యోగము మాకేఁటికి యిమ్ముల శ్రీవేంకటేశ్వర మా పాల నెమ్మదిగలవిఁక నే నాడనేలా	॥పొంది॥