ఆంధ్రభారతి - తాళ్లపాక అన్నమాచార్య కీర్తనలు - రాతిరిఁ బగలనేటి రెంటి నడుమనుఁ జిక్కి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 277-1
సంపుటము: 3-442

తాళ్లపాక అన్నమాచార్య

రాగము: రామక్రియ

రాతిరిఁ బగలనేటి రెంటి నడుమనుఁ జిక్కి వూఁత గాన వెళ్లనీరో వో యాసలాల	॥పల్లవి॥
దైవ మెప్పుడు గలఁడు తలఁచఁగలేము గాని కైవసమై జీవుఁడుండు కానరాదు గాని పూవు పిందెవంటి పాపపుణ్యములఁ జిక్కినాఁడ తోవచూపరో మాకు తొలుజన్మములాల	॥రాతి॥
లోకము మాయామయమై లోనుఁ గాకుండుఁ గాని జోక పరమాత్మలోనే సోదించము గాని కైకొని మూసితెరచే కనురెప్పలనుఁ జిక్కి వాకిలిఁ గనేఁ జూపరో వద్దనున్న కాలమా (?)	॥రాతి॥
రూపము విజ్ఞానమే రూఢి కెక్కనైతిఁ గాని కాపు శ్రీవేంకటేశుఁడే గతి గంటిఁ గాని యీవారి నేనై తే నిహపరాలకుఁ జిక్కి పైపూఁత లేమి గానఁ బాలించవో గురుఁడా	॥రాతి॥