ఆంధ్రభారతి - తాళ్లపాక అన్నమాచార్య కీర్తనలు - సంసారమే మేలు సకలజనులకును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 278-1
సంపుటము: 3-447

తాళ్లపాక అన్నమాచార్య

రాగము: సామంతం

సంసారమే మేలు సకలజనులకును కంసాంతకుని భక్తి గలిగితే మేలు	॥పల్లవి॥
వినయపు మాటల విద్య సాధించితే మేలు తనిసి యప్పులలోన దాఁగకుంటే మేలు మునుపనే భూమి దన్ను మోచి దించకుంటే మేలు వెనుకొన్న కోపము విడిచితే మేలు	॥సంసా॥
కోరి వొకరి నడిగి కొంచపడకుంటే మేలు సారె సారె జీవులను చంపకుంటే మేలు భారపుటిడుమలను పడకుండితే మేలు కారించి తిట్ల కొడిగట్టకుంటే మేలు	॥సంసా॥
పరకాంతల భంగపరచకుంటే మేలు దొరకొని కెళవులు దొక్కకుంటే మేలు అరుదైన శ్రీవేంకటాద్రివిభునిఁ గొల్చి యిరవై నిశ్చింతుఁడైతే నిన్నిటాను మేలు	॥సంసా॥