ఆంధ్రభారతి - తాళ్లపాక అన్నమాచార్య కీర్తనలు - భగవద్విభవపు ప్రత్యక్షం బిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 278-2
సంపుటము: 3-448

తాళ్లపాక అన్నమాచార్య

రాగము: లలిత

భగవద్విభవపు ప్రత్యక్షం బిది జిగి నిందొకటియుఁ జేయఁగఁ గలమా	॥పల్లవి॥
దైవికమెపో తతియగు వానలు తావగు మొలకలు దైవికమే కావిరినివెల్లాఁ గంటా వింటా దైవమునేలో తలఁచము మనము	॥భగ॥
జననమరణములు హరి దైవికమే తనుపోషణములు దైవికమే యెనసి యివెల్లా నెఱిఁగియు మరిగియు కొన దైవమునేలో కొలువము మనము	॥భగ॥
యిహపరంబులును యివి దైవికమే తహతహ లుడుపఁగ దైవికమే అహిపతి శ్రీవేంకటాధిపు కృపచే మహిమ గంటిమిఁక మఱవము మనము	॥భగ॥