ఆంధ్రభారతి - తాళ్లపాక అన్నమాచార్య కీర్తనలు - నన్నెంచఁ బనిలేదు నిన్నెంచుటే కాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 278-3
సంపుటము: 3-449

తాళ్లపాక అన్నమాచార్య

రాగము: బౌళి

నన్నెంచఁ బనిలేదు నిన్నెంచుటే కాని మన్నించు హరి నీ మఱఁగు చొచ్చితిని	॥పల్లవి॥
రాజుఁ బెండ్లాడిన యట్టి రమణి యేజాతైనా పూజితమై యిన్నిటాను భోగించినట్టు సాజాన నే నెంత సకలహీనుఁడనైనా వోజతో నిన్నుఁ గొలిచి వున్నతుఁడనైతిని	॥నన్నెం॥
వేల ముద్దుటంగరము వేడుకనిడి ప్రధాని కేలెత్తి యిందరిచే మొక్కించుకొన్నట్టు నేలనే నీ ముద్ర మోచి నే నేఁటివాఁడనైనా పేలరి జగములోనఁ బెద్దనైతి నిదివో	॥నన్నెం॥
తల్లిదండ్రి గలవాఁడు తప్పులేమైనాఁ జేసి తల్లితో ముద్దుగునిసి తప్పించినట్టు చల్లని శ్రీవేంకటేశ సరవి నీ కృపవల్ల కెల్లున నిన్ను నుతించి గెలిచితి నిదివో	॥నన్నెం॥