శృంగార సంకీర్తన
రేకు: 1986-5
సంపుటము: 29-455
రేకు: 1986-5
సంపుటము: 29-455
తాళ్లపాక అన్నమాచార్య
రాగము: ముఖారి
| తన వేడుకే చూచీ దలఁచఁడు నా సిగ్గు వినయముతోఁ జెలియ విన్నవించవే | ॥పల్లవి॥ |
| నెమ్మదిఁదాను నాకు నిక్కుఁగొప్పు వెట్టీని యెమ్మెలదాననా నేను యేమైనాను కమ్మటిని దనవద్ద గద్దెపై గూచుండమనీ ఇమ్ముల నింతేసి నీటు ఇల్లాలికి దగునా | ॥తన॥ |
| సారె సారెఁ దనతోను సరిగా నవ్వుమనీని ఆరజపుదాననా నే నందరిలోన చేరవచ్చి నాకు నిట్టె చెంపల గందాలువూసీ యీరీతుల మరునా యిల్లాలికి | ॥తన॥ |
| మిన్నక నా సింగారాలు మెచ్చి మెచ్చి పొగడీని వన్నెవెట్టుదాననా యేవంకనైనాను నన్ను శ్రీవేంకటేశుఁడు నంటునఁ గాఁగిటఁ గూడె పన్నుక యిల్లాలి కిది పచారించవచ్చునా | ॥తన॥ |


