ఆంధ్రభారతి - తాళ్లపాక అన్నమాచార్య కీర్తనలు - నీకుఁ దొల్లే యలవాటు నిరుహేతుకపు దయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 278-5
సంపుటము: 3-451

తాళ్లపాక అన్నమాచార్య

రాగము: సాళంగం

నీకుఁ దొల్లే యలవాటు నిరుహేతుకపు దయ జోక నురుత మెచ్చిన సులభుఁడవే కా	॥పల్లవి॥
నేరములు దొలఁగించ నెలవులు గలిగించ గారవించ హరి నీవే కలవు నాకు నార పేరఁ బిలిచితే నారాయణ యనెనంటా చేరి కాచినటువంటి శ్రీపతివిగా	॥నీకుఁ॥
దురితము లణఁగించ దుఃఖములు పెడఁబాప గరిమఁ గేశవ నీవే కలవు నాకు మరమరా యంటేను మరి రామ యనెనంటా తిరముగఁ గాచి నట్టి దేవుఁడవుగా	॥నీకుఁ॥
వినుతులు చేకొని వేడుకతో నన్నుఁ గావ ఘనుఁడ శ్రీవేంకటేశ కలవు నాకు మనసునఁ దలఁచితే మాటలఁ బిలిచెనంటా తనిసి కంభాన వెళ్లే దైవమవుగా	॥నీకుఁ॥