ఆంధ్రభారతి - తాళ్లపాక అన్నమాచార్య కీర్తనలు - నా మేలువాఁడై యాతఁడు నావద్దనే వున్నవాడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1987-6
సంపుటము: 29-462

తాళ్లపాక అన్నమాచార్య

రాగము: ఆహిరినాట

నా మేలువాఁడై యాతఁడు నావద్దనే వున్నవాడు యీ మతకములు మరి యిఁక నీకుఁ దగునే	॥పల్లవి॥
ఆసలు రేఁచుకొంటా నాకెకు నీతనికిని రాసికెక్క నే మాడేవే రాయబారాలు సేసవెట్టిననాపతిఁ జేరి నే నెఱఁగకుండా మూసి దాఁచి పొందుసేయ మన్నేడ నేర్చితివే	॥నా మేలు॥
సన్నలు సేసుకొంటా నారె సారె నిద్దరికి యెన్నిమారు లందించేవే యెడమాఁటలు పన్నుక నా కాఁగిటిలో పాయకుండిన యీతని వన్నెల నెలయించ నే వంకఁ గలిగితివే	॥నా మేలు॥
కడనుండి నవ్వుకొంటా గలపే వొకరొకరిఁ దడవక మానవే నీ తాపితనాలు యెడయక శ్రీవేంకటేశుఁడు నన్నేలినాఁడు అడరి నా కితవరివ య్యెట్టు వచ్చితివే	॥నా మేలు॥